តារាសម្ដែងប្រុស លោក ថៃ នរៈពិទូ ដែលបានបាត់មុខពិសិល្បៈអស់រយៈពេលជាច្រើនឆ្នាំំណាស់មកហើយ ដែលពេលថ្មីៗនេះ ទើបតែលេចលឺដំណឹងថា លោក ថៃ នរៈពិទូ មានបំណងចង់វិលត្រលប់ចូលវិថីសិល្បៈវីញ។

កាលពីយប់មិញនេះផងដែរ អតីត Freshie Boy លោក ថៃ នរៈពិទូ ក៏មានការភ្ញាក់ផ្អើលជាថ្មីម្តងទៀត បន្ទាប់ពីតារាប្រុសរូបសង្ហា ថៃ នរៈពិទូ បានរៀបចំធ្វើពិធីខួបកំណើតខ្លួន យ៉ាងសាមញ្ញបំផុត កាលពីយប់មិញនេះ ដែលមានការចូលរួមពីភរិយា មិត្តភក្តិជិតស្និទ្ធិ ជាពិសេសវត្តមានក្រុមគ្រួសាររបស់លោកផ្ទាល់តែម្ដង។
គួរឲ្យដឹងផងដែរថា លោក ថៃ នរៈពិទូ គឺជាកូនប្រុសច្បងរបស់ ឯកឧត្តម ថៃ នរៈសត្យា រដ្ឋលេខាធិការក្រសួងវប្បធម៌ និងវិចិត្រសិល្បៈ និងលោកជំទាវ ងិន ម៉ានីយ៉ា អ្នកនិពន្ធទំនុកច្រៀងដ៏ល្បីប្រចាំផលិតកម្មរស្មីហង្សមាស ដែលលោកមានបងប្អូនទាំងអស់ ៣ នាក់ ប្រុស ១ នឹង ស្រីម្នាក់។ ប្អូនស្រីរបស់លោក កញ្ញា ថៃ នារីសុជាតា ក៏ជាអតីត Freshie Girl មួយរូបផងដែរ កាលពីឆ្នាំ ២០១០ តែនាងជាប់បានត្រឹមតែជ័យលាភីលេខ ២ តែប៉ុណ្ណោះ។ នៅក្នុងទិដ្ឋភាពកាលពីយប់មិញនេះផងដែរ រូបភាពជាច្រើនសន្លឹករបស់ លោក ថៃ នរៈពិទូ ដែលបានបង្ហោះក្នុងថ្ងៃកំណើតរបស់លោកឃើញថា រូបសម្រស់របស់បងប្អូនរបស់លោកពិតជាស្រស់ស្អាតនឹងសង្ហាមិនធម្មតាឡើយ៕
សូមទស្សនាទិដ្ឋភាពខួបកំណើតរបស់ ថៃ នរៈពិទូ កាលពីយប់មិញ៖