កាលពីម្សិលមិញនេះតារាសម្ដែង និងតារាចម្រៀងស្រី Namcha Cheranat ត្រូវបានមិត្តប្រុសរបស់នាង Dilaka Lathapipat ដែលស្រលាញ់គ្នារយៈពេលជាង ២ ឆ្នាំមកហើយនោះ បានសុំតារាសម្តែងស្រីរូបនេះរៀបការកោះយ៉ាវយ៉ៃ ខេត្តផាង ង៉ា។

គួរឲ្យដឹងផងដែរថាគូស្នេហ៍របស់នាងមានអាយុច្រើនជាងនាងដល់ទៅ ១៤ ឆ្នាំឯណោះ។ ជាមួយគ្នានេះដែរនៅពេលដែលនាងដើរលេងតាមឆ្នេរសមុទ្រជាមួយមិត្តភក្តិរបស់នាង នាងបានបិទភ្នែកដើរ។

នៅពេលនាងបើកភ្នែកឡើងស្រាប់តែនាងមានការភ្ញាក់ផ្អើលយ៉ាងខ្លាំងខណៈពេលដែលមិត្តប្រុសរបស់នាងបានស្នើសុំនាងរៀបការនិងពាក់ចិញ្ចៀនសម្រាប់នាង។ អារម្មណ៍របស់នាងមើលទៅរំភើបសប្បាយរីករាយនិងស្រក់ទឹកភ្នែកបន្ទាប់ពីទទួលការយល់ព្រមក្នុងសំណើរនេះ។ ចំពោះពេលវេលារៀបការ គូស្នេហ៍មួយគូនេះនៅពុំទាន់បង្ហើបប្រាប់មហាជនឲ្យបានដឹងនៅឡើយទេ តែយ៉ាងណាអ្នកគាំទ្រជាច្រើនក៏បានចូលរួមអបអរសាទរតារាស្រីរូបនេះផងដែរ៕
ចិញ្ចៀនពេជ្រដែលមិត្តប្រុសនាងសុំរៀបការ